想知道嘉義點玩最好？除咗阿里山同火雞肉飯，嘉義仲有好多啱晒一家大細或者朋友一齊郊遊的好地方！呢度有濕地、有高山、仲有遼闊嘅平原，配合獨特嘅城市鄉村特色，令嘉義近年成為熱爆嘅旅遊熱點！即刻等我地介紹下嘉義嘅交通資訊，同埋市區同山區嘅必到景點啦！
｜由台北點樣去嘉義？
| 出發方式 | 預計時間 | 車票費用 |
| 高鐵 | 約1小時30分鐘 | NT$1080 |
| 客運巴士 | 約3小時30分鐘 | NT$440 |
| 台鐵普悠瑪 | 約2小時30分鐘 | NT$598 |
| 台鐵自強號 | 約3小時40分鐘 | NT$598 |
從台北去嘉義有四個主要選擇：高鐵、台鐵、客運巴士，或者自駕。高鐵係最快捷但最貴嘅選擇，而其餘嘅交通方式收費差唔多。
如果你想安排一個兩日一夜或者三日兩夜嘅行程，自駕會係最方便嘅方法。嘉義唔論市區定風景區，都有充足嘅泊車位，通常泊好車之後行多幾分鐘就到景點，非常方便！
「咁喺嘉義租車應該點揀呢？」
｜gogoout租車 – 嘉義站
地址：嘉義縣太保市崙子頂52號
營業時間：每日早上08:00至晚上20:00
免費嘉義高鐵站接送、市區接送（需提前預約）
簡單手續，唔需要押證件或簽本票
客戶好評如潮，近百則五星評價！
｜嘉義熱門景點推介：市區＆山區一網打盡
苦楝花隧道
朴子溪
被譽為全台最靚嘅苦楝花隧道，超過3公里長，春天開花時滿天白紫色花朵鋪滿整條步道，仲散發住陣陣清香。陽光灑落花瓣之間，形成浪漫唯美嘅畫面，好多遊客專程嚟散步同打卡影相。
黃色樹葉,嘉義旅遊
朴子溪
朴子溪防汛道旁，每年三月，黃花風鈴木盛放，金黃色的花朵開滿整個河堤，場面非常壯觀。不過要把握機會，因為花期得一星期左右。呢個地方仲係婚紗攝影嘅熱門地點，想影靚相嘅朋友一定唔可以錯過！
新嘉大昆蟲館
嘉義市東區學府路300號
位於嘉義大學內嘅昆蟲館，擁有全台獨一無二嘅「旋轉彩蝶柱」，可以近距離觀察蝴蝶，同埋親手接觸各種昆蟲。仲有美美嘅溫室蝴蝶園，絕對係一家大細親子遊嘅好地方！
照片授權/IG @miki.tsai
空氣圖書館
嘉義縣梅山鄉仔2號附12
一間建築設計感十足嘅咖啡店，座落於海拔1000公尺高山，採用清水模設計。呢度唔賣書，主要提供咖啡、輕食。店內擺放咗好多蕨類植物同藝術擺設，係個充滿文青風嘅地方，吸引咗唔少人喺IG打卡分享。
照片授權/IG @stephanielai0207
照片授權/IG @stephanielai0207
蔗埕文化園區｜蒜頭糖廠｜蒜頭車站
嘉義縣六腳鄉工廠村1號
蒜頭糖廠係一個充滿懷舊風情嘅景點，可以參觀古色古香嘅木造建築，仲可以搭乘五分仔小火車遊覽。唔好錯過當地出名嘅台糖冰淇淋，一邊食住雪糕，一邊欣賞四周景色，非常chill～
阿里山國家風景區
嘉義縣阿里山鄉2鄰17號
阿里山被譽為一級國家風景區，絕對名不虛傳！喺呢度，你可以完全放鬆身心，沉醉喺如電影特效般嘅壯麗山景之中。登山途中仲可以認識自然保育的重要性，一邊行山一邊享受大自然嘅美妙，實在係放鬆心情嘅最佳去處！
特富野古道
嘉義阿里山鄉與南投信義鄉交界
呢條古道全長6.32公里，係南台灣少有嘅低海拔步道。早年係台灣原住民狩獵時必經之路，沿途兩旁高聳嘅紅檜同扁柏令人驚嘆。行到一半，仲會見到早期日本人為運送木材而鋪設嘅鐵軌，仿佛時光倒流，感受到歷史嘅痕跡。
照片授權/IG @taki788778
故宮南院
嘉義縣太保市故宮大道888號
坐落於嘉南平原上，故宮南院建築風格獨特，除咗展示各種珍貴館藏之外，仲有人工濕地、熱帶花園、湖邊舞台等休閒設施。季節性活動如水舞表演同無人機燈光秀更添娛樂性，係一家大細郊遊嘅好去處！
東石網寮漁港
嘉義縣東石鄉網寮村
東石網寮漁港最靚嘅時刻，一定係黃昏時分。當夕陽落入海平線，橙紅色嘅天光映照住蚵架，形成浪漫嘅漁村風情。呢度亦曾係國片《蚵豐村》嘅取景地，想影靚相打卡嘅你，一定唔可以錯過！
好美里沙灘
嘉義縣布袋鎮
呢個被譽為「嘉義天空之鏡」嘅沙灘，雖然未必咁多人知，但絕對值得一遊。沙灘約1公里長，當海水退潮時，海面映照住天空同雲朵，形成完美倒影，打卡效果絕對滿分！最啱一班朋友或者情侶一齊去影靚相！
照片授權/IG @esheng95
臺灣花磚博物館
嘉義市林森西路282號
花磚博物館係台灣首間專門收藏花磚嘅私人館藏。館主花咗20年時間周遊列國，挽救、修復同保存咗過千塊花磚。每一塊磚都有佢自己嘅故事，有啲甚至來自已拆卸嘅老屋。館內收藏超過4000件展品，對歷史文化有興趣嘅朋友一定唔可以錯過！
照片授權/IG @kelly_282870
照片授權/IG @kelly_282870
奮起湖老街
嘉義縣竹崎鄉中和村奮起湖
以「鐵路便當」馳名嘅奮起湖，曾經係阿里山森林鐵路嘅中途站。老街位於台灣最高海拔之一，亦被譽為「南台灣九份」。行喺老街上，你可以邊食住地道美食，邊探索懷舊精品同伴手禮，一次過滿足味覺同視覺享受。
嘉義嘅景點真係靚到爆！如果有時間，一定要安排一次輕鬆嘅台灣之旅，無論係爬山定係睇海，或者係行下細街小巷，都可以發掘更多台灣獨特嘅美景！
繼續閱讀>>
聽講每個嘉義人心中都有一碗排名第一的雞肉飯!【嘉義火雞肉飯】27間人氣店舖大比拼
想租車？快上 gogoout
擔心花大把時間，無法決定要去哪家租車公司租車，
車輛內容不清楚，保險明細不詳細，讓您遲遲無法決定到哪家店預約嗎？
立即查詢方案比較
